KV பள்ளிகளில் -2-ம் வகுப்பு முதல் சேர விண்ணப்பிக்கலாம்..!!
தற்போது நாடு முழுவதும் 1,247 கேந்திரிய வித்யாலயா பள்ளிகள் இயங்கி வருகின்றன. மத்திய அரசின் கீழ் இந்தப் பள்ளிகள் இயங்கி வருகின்றன.
இதற்கிடையே கே.வி. பள்ளிகளில் ஒன்றாம் வகுப்புக்கான விண்ணப்பப் பதிவு ஏப்ரல் 1-ம் தேதி தொடங்கி, நடைபெற்று வருகிறது. இதற்கு பெற்றோர்கள் ஏப்ரல் 19-ம் தேதி மாலை 7 மணி வரை https://kvsonlineadmission.kvs.gov.in என்ற இணையதளம் மூலமாகவும், ஆண்ட்ராய்ட் செல்பேசி செயலி வாயிலாகவும் பதிவு செய்யலாம்.
இந்நிலையில் இரண்டு மற்றும் அதற்கு மேற்பட்ட வகுப்புகளுக்கான விண்ணப்பப் பதிவு கடந்த 8-ம் தேதி தொடங்கியது. கே.வி. இணையதளத்தில் உள்ள சேர்க்கை விதிமுறைகளைப் படித்துவிட்டு, பள்ளிகளுக்கே நேரடியாகச் சென்று பெற்றோர்கள் பதிவு செய்து வருகின்றனர்.
காலியாக உள்ள இடங்களின் அடிப்படையில் பள்ளிகளில் (15.04.2021) மாலை 4 மணி வரை விண்ணப்பப் பதிவு நடைபெறும். ஏப்ரல் 19-ம் தேதி மாலை 4 மணிக்குத் தேர்வு செய்யப்பட்ட மாணவர்களின் பட்டியல் வெளியாகும். ஏப்ரல் 20 முதல் 27-ம் தேதி வரை இவர்களுக்கான மாணவர் சேர்க்கை நடைபெறும்.
2 முதல் 8-ம் வகுப்பு வரையான மாணவர் சேர்க்கைக்கு எவ்வித நுழைவுத் தேர்வும் நடத்தப்படாது. முன்னுரிமை அடிப்படையில் மாணவர் சேர்க்கை நடைபெறும். மாணவர் இடங்களைவிட விண்ணப்பங்கள் அதிகமாக வந்தால் குலுக்கல் முறையில் மாணவர்களுக்கான இடங்கள் தேர்வு செய்யப்படும்.
இந்த செய்தியையும் படிங்க...
ஆசிரியர்கள் -சுழற்சி முறையில் பள்ளிக்கு வர வேண்டும்..!!
10-ம் வகுப்புத் தேர்வு முடிவுகள் வெளியான பிறகு, 11-ம் வகுப்புக்கு மாணவர் சேர்க்கை நடைபெறும் என்று தெரிவிக்கப்பட்டுள்ளது. 2021-22ஆம் ஆண்டுக்கான மாணவர் சேர்க்கை அட்டவணையின்படி https://kvsangathan.nic.in/ என்ற இணையதளத்தில் 11-ம் வகுப்பில் சேர்வதற்கான படிவங்களைத் தரவிறக்கம் செய்து கொள்ளலாம்.
கூடுதல் விவரங்களுக்கு: https://kvsangathan.nic.in/
0 Comments